2 biktima ng summary execution natagpuan

KAWIT, Cavite – Dalawang lalaki na pinaniniwalaang biktima ng summary execution ang natagpuan ng mga awtoridad sa liblib at madamong lugar sa Barangay Putol ng bayang ito kahapon ng umaga.

Ang mga biktima ay may taas na 5’5 at tinatayang may edad na 18 hanggang 20-anyos, kapwa walang saplot sa katawan at nakatali ng alambre sa magkabilang kamay at leeg nang matagpuan ng mga awtoridad sa naturang lugar.

May palatandaan din ang mga biktima na pinahirapan dahil sa mga pasa sa ibat ibang bahagi ng kanilang katawan bago pinatay.

May teorya ang pulisya na mula sa ibang bayan at itinapon lamang ang mga biktima sa nasabing lugar upang lituhin ang mga imbestigador. (Ulat ni Mading Sarmiento)