Kinilala ng pulisya ang biktima na si Oscar Letada, 52, binata, obrero at residente ng Morales St. ng naturang bayan.
Samantala, ang mag-aamang suspek na ngayon ay tinutugis ng pulisya ay nakilalang sina Orlando Cajandab Sr., 56, Orlando Jr. at Joseph, 36, may asawa at pawang mga residente rin ng nabanggit na lugar.
Ayon sa inisyal na imbestigasyon ng pulisya, naganap ang krimen dakong alas 7:30 ng umaga habang ang biktima at mag-aamang suspek ay nagkasalubong sa gitna ng kalsada ng nasabing lugar.
Dahil sa natalo ang sinusuportahang mayoralty bet ng mga suspek laban sa nanalong kandidato ng biktima ay nagkaroon ng mainitang pagtatalo hanggang sa pagtulungan saksakin ng mga suspek si Letada. (Ulat ni Ed Casulla)