Pagdakip kay Erap, walang epek sa probinsiya

LILOAN SOUTHERN LEYTE – Walang naging epekto sa mga mamamayan sa malalayong probinsiya partikular sa Southern Leyte at sa Mindanao ang pagkakakulong ni dating Joseph Estrada.

Ayon kay Southern Leyte Rep. Aniceto Saludo Jr., dahil sa kakulangan ng ‘media’ ay hindi namalayan ng mga mamamayan na nakabilanggo na si Estrada.

"Wala halos telebisyon dito, wala ring newspaper, yong ilan sa radyo lang nakikinig," ani Saludo.

Kaiba umano sa Kamaynilaan na makikita ang ma-emosyong pagkaka-aresto kay Estrada, ang ibang mga taga-pronbisiya ay nakikinig lamang sa radyo.

Inamin din ni Saludo na bagaman at noong Miyerkules pa dinakip si Estrada ay kahapon lamang niya nalaman ang tungkol dito. (Ulat ni Malou Rongalerios)