Finance officer ng RHB arestado

CAMP OLIVAS, Pampanga – Isang pinaghihinalaang finance officer ng splinter group ng Rebolusyunaryong Hukbong Bayan (RHB) ang nasakote kamakalawa ng pinagsanib na puwersa ng 69th Infantry Battalion ng Phil. Army at PNP Regional Command sa Brgy. San Francisco, Lubao, Pampanga.

Nakilala ang naarestong finance officer ng rebeldeng grupo na si Ronaldo Pring, 43, ng Brgy. San Francisco sa nabanggit na lugar.

Ayon sa ulat ng pulisya, dakong alas-6 ng umaga nang madakip ang nasabing suspect sa aktong nangangalap ng ‘revolutionary tax’ mula sa mga residente.

Narekober sa posesyon ng suspect ang isang automatic Uzi , isang 9mm luger pistol at ilang kopya ng extortion letter at mga subersibong dokumento.

Ang nadakip ay kasalukuyang nakadetine sa Pampanga Police Provincial Office . (Ulat ni Jeff Tombado)