4 Sayyaf sumuko sa militar dahil sa gutom

Dahil sa nararanasang gutom sa bundok, nagawang sumuko ng apat na miyembro ng bandidaong grupong Abu Sayyaf sa Task Force Katapat II, matapos na magsagawa ang mga ito ng pagsalakay sa lugar ng Mindanao kamakailan.

Base sa ulat ni Task Force Katapat II Commander, Chief Supt. Romeo Maganto kay National Police Commission (NAPOLCOM) Chairman Alfredo Lim, ang mga sumuko ay nakilalang sina Enong Hamsajin, 44; Sahial Hadjula, 37; Imith Sarri, 27 at Laling Dohgasan, 44, na pawang tubong Kulasi, Maambong Sulu.

Nabatid na nagsagawa ng operasyon at pagsalakay ang nasabing operatiba sa lugar ng Mindanao noong nalalapit na Oktubre 18, kaugnay sa kampanya laban sa mga loose fire arms.

Nabatid na nahihirapan na umano sa katatago at nakakaranas ng matinding pagkagutom sa bundok kung kayat ang apat na miyembro ng Abu Sayyaf ay sumuko sa nasabing mga alagad ng batas sa pamamagitan ng isang Alihalbal Hassan na nagpadala ng surrender feelers sa grupo ni Maganto. (Ulat ni Lordeth Bonilla)