Pitong Indian nationals nasakote

Pitong Indian nationals ang nadakip ng mga tauhan ng Bureau of Immigration (BI) makaraang mapag-alaman na overstaying na ang mga ito sa bansa sa San Fernando City, La Union.

Ayon kay Immigration Commissioner Rufus Rodriquez kasalukuyang nakapiit sa Bicutan sina Jasvir Aytan, Rajinder Singh Aytan; Amalok Singh; Manjit Singh; Balbir Kaur; Didar Singh at Seeman Rani na nakatakdang isailalim sa summary deportation proceedings dahil sa hindi nakapagpakita ang mga ito ng travel document nang maaresto.

Ang mga dayuhan ay nadakip sa apat na magkakahiwalay na bahay sa nabanggit na lugar.

Inamin naman ng mga ito na pumasok sila sa bansa bilang mga turista. (Ulat ni Jhay Mejias)