Tapyas-presyo sa petrolyo arangkada ngayong araw
MANILA, Philippines — Ngayon unang linggo ng Marso sinalubong ng bawas-presyo ang produktong petrolyo epektibo ngayong umaga.
Sa abiso ng mga kompanya ng langis sa bansa na pinangunahan ng Pilipinas Shell, Petron Corporation, Seaoil, PTT Philippines, Total Philippines, Unioil, Petro Gazz, Caltex (CPI) at Phoenix Petroleum, magpapatupad sila ng bawas-presyo na P0.90 sa kada litro ng gasolina, P0.80 sa kada litro ng diesel at P1.40 naman sa kada litro ng kerosene na magiging epektibo alas-6:00 ngayong umaga.
May bawas-presyo rin sa mga nasabing produktong petrolyo sa kahalintulad na halaga ang kompanyang CleanFuel na magiging epektibo bukas ng alas-8:01 ng umaga.
Ang ipatutupad na rollback sa mga produktong petrolyo ay bunsod sa patuloy na paggalaw ng presyuhan nito sa pandaigdigang merkado.
- Latest
