Away mag-asawa, nauwi sa saksakan; mister, patay

MANILA, Philippines — Humantong ang pag-aaway ng isang mag-asawa na kung saan ay napatay ng misis ang kanyang mister naganap, kamakalawa sa Tacloban City.

Namatay noon din ang biktimang si “Tino”, 67 habang nakakulong naman ang misis nitong si “Zelda”, 58, vendor.

Sa inisyal na imbestigasyon, nangyari ang insidente, kamakalawa ng gabi sa mismong bahay ng mag-asawa sa Barangay 98, Camansihay, Tacloban City.

Lumalabas sa imbestigasyon na nagkaroon umano ng pagtatalo ang mag-asawa na kung saan ay nauna umanong kumuha ng 19 pulgadang bolo ang mister na dapat sana’y isasaksak sa misis ngunit nakaiwas umano ito at naagaw ang bolo at saka sinaksak ng ilang beses sa kaniyang mister.

Kasalukuyan nang nasa kustodiya ng pulisya ang suspek na kusang-loob umanong sumuko dala ang pinaghihinalaang murder weapon.