3 todas sa kotse vs trak
MANILA, Philippines — Patay ang tatlong katao matapos sumalpok sa 10 wheeler truck ang kanilang kotse nang mag-overtake, kamakalawa ng gabi sa Jaro, Iloilo.
Namatay noon din sina Rizalyn Anacan, 24; at Kim Joseph Sumaguio, 22 habang idineklarang dead-on-arrival sa Metro Iloilo Hospital and Medical Center, Inc., si Von Cydrick Mabug-at, 27 , Scout Ranger ng Philippine Army, residente ng Brgy. Cali, Dumangas, Iloilo dahil sa head injury.
Nasa kustodiya na ng pulisya ang driver ng truck na si Freddie Serios, 28, ng Zone 3, Purok Tahong, Talisay City, Negros Occidental,
Sa imbestigasyon ng pulisya, bandang alas-9:00 ng gabi nang mangyari ang aksidente sa Brgy. Tacas, Jaro, Iloilo.
Lumilitaw na sakay ang mga biktima ng kotse nang mag-overtake ito sa isang pickup vehicle sa kanilang unahan at bumangga sa kasalubong na truck na nasa kabilang linya.
- Latest
