Babae na may ‘mental disorder’, gutay ang binti sa closed van

MANILA, Philippines — Gutay at halos humiwalay sa hita ang kaliwang binti ng isang 50-anyos na babae nang masagi ng isang closed van habang nakaupo sa sementadong island ng Plaza, Sta. Cruz, bahagi ng Binondo, Maynila, Miyerkules ng gabi.

Ginagamot sa Philippine General Hospital ang biktimang si alyas “Evelyn”, na umano’y residente n lalawigan ng Laguna at hinihinalang may sakit sa pag-iisip.

Sa ulat, alas-6:15 ng gabi nang maganap ang insidente sa westbound ng Ronquillo St., Plaza Sta. Cruz, Binondo.

Inaresto naman si alyas “Alexander”, driver nang closed van na may plakang NGG 1942 para sa ihaharap na reklamong reckless imprudence resulting in physical injury.