Lalaki na ‘sinapian’ binaril ang mga nakasalubong, 3 patay

MANILA, Philippines — Isang 40-anyos na mister na pinaniniwalaang sinapian ng masamang espiritu dahil sa tinirang droga ang namaril ng mga nakasalubong na ikinasawi ng tatlo habang isa pa ang malubhang nasugatan sa Lapu-Lapu City, Cebu nitong Biyernes ng gabi.

Sa ulat, kinilala ang mga nasawi na sina Ngangang Aying, dead on the spot habang ang dalawa pa ay isang 26- anyos na photographer at isa pang babaeng lending collector. Patuloy namang isinasalba sa pagamutan ang nasugatang isang 30-anyos na construction worker.

Ang suspect na nasakote ay nakilalang si Eduardo Taghoy, isa umanong drug addict sa kanilang lugar na ­nagsabi na may bumubulong sa kanya na barilin ang mga makakasalubong.