Kelot todas sa ‘scatter’ sa Antipolo

MANILA, Philippines — Todas agad ang isang lalaki na naglalaro ng on-line casino o “scatter” sa isang computer shop nang pagbabarilin ng suspek sa Sitio Taguisan uno, Brgy., Bagong Nayon, Antipolo City, Rizal, kamakalawa.

Kinilala ang nasawing biktima na si Biboy Montallana, alyas ‘Ace dela Cruz,’ habang nakatakas naman ang hindi pa nakikilalang salarin.

Sa inisyal na pagsisiyasat ng Antipolo City Police,bago naganap ang krimen, ala-1:00 ng hapon ay naglalaro ang biktima ng online scatter game sa loob ng isang computer shop sa Sitio Taguisan 1, nang bigla na lang pumasok sa computer shop ang salarin at agad na pinagbabaril sa iba’t ibang bahagi ng katawan.

Nang matiyak na napuruhan ang target ay mabilis na ring tumakas ang salarin, bitbit ang ‘di pa batid na kalibre ng baril na ginamit sa krimen.