Metro Manila malls nag-alok ng libreng overnight parking dahil kay Pepito

MANILA, Philippines — Nag-alok kahapon ang ilang mall sa Metro Manila ng libreng overnight parking sa mga motoristang maaapektuhan ng Super Typhoon Pepito.

Ayon sa Metropolitan Manila Development Authority (MMDA), lahat ng malls ng SM, Ayala at Robinsons sa Metro Manila ay mag-aalok ng libreng overnight parking dahil maaaring magkaroon ng pagbaha dahil sa malakas na ulan na dadalhin ni Pepito.

“Nagpapasalamat ang pamahalaan sa mga mall operators sa malasakit sa ating mga kababayan at sa agaran nitong tugon sa panawagan para sa tulong,” dagdag nito.

Samantala, isinailalim ang Metro Manila sa Tropical Cyclone Wind Signal No. 2 alas-5:00 ng umaga.