Halos 300K pasahero, dumagsa sa mga pantalan ngayong Undas - PCG

MANILA, Philippines — Halos nasa 300,000 pasahero ang dumagsa sa mga pantalan ngayong Undas.

Batay sa monito­ring ng Philippine Coast Guard (PCG), nabatid na hanggang Oktubre 31 ay nasa 149,300 outbound passengers at 141,036 inbound passengers ang na-monitor nila na nagtungo sa mga pantalan sa bansa.

Nag-deploy naman ang PCG ng 4,146 frontline personnel sa 15 PCG Districts, na siyang nag-inspeksyon sa 1,371 barko at 1,585 motorbancas.

Anang PCG, simula Oktubre 31, hanggang Nobyembre 5, ay nakailalim na sa heightened alert ang lahat ng kanilang districts, stations, at sub-stations kasunod na rin ng ina­asahang pagdagsa ng mga pasahero sa mga pantalan dahil sa Undas.