Duterte inimbitahan na sa pagdinig ng Quad Comm

MANILA, Philippines — Nagpadala na ng imbitasyon ang House quad committee kay dating Pangulong Rodrigo Duterte para dumalo bukas, Oktubre 22 sa pagpapatuloy ng pagdinig hinggil sa umano’y extrajudicial killings (EJK) sa kanyang war on drugs.

Nauna nang sinabi ni Duterte na handa siyang dumalo sa mga quad committee hearing sa EJK.

“Hindi ako aatras diyan. Sasagutin ko silang lahat at marami akong sasabihin sa taumbayan,” pahayag niya sa kanyang former legal adviser na si Salvador Panelo sa “Gikan sa Masa, Para sa Masa” program noong Huwebes.

“There’s still no invitation, but I would be happy to attend. It’s an institution of government. They might want me to clarify, answer, or whatever… I am ready for that,” dagdag pa ng former president.