Pangulong Marcos nagpasalamat sa Israel
MANILA, Philippines — Personal na nagpasalamat si Pangulong Ferdinand Marcos Jr. kay Israel President Isaac Herzog sa suporta at pangangalagang ibinibigay sa mga Pilipinong nagtatrabaho at naninirahan na sa kanilang bansa.
Ang pasasalamat ay ipinaabot ng pangulo kay Israeli President Isaad Herzog sa pamamagitan ng tawag sa telepono.
“I wish to express our gratitude to Israel for the care and support extended to Filipinos working and living in your country,” sinabi pa ni Pangulong Marcos.
Ang mabilis aniyang tulong ng Israel sa pagtiyak ng kaligtasan ng mga Filipino lalo na sa mga hamong kinakaharap ngayon ay napakahalaga.
“Israel remains one of our trusted bilateral partners in the Middle East region, with a historic friendship that predates the establishment of the Israeli state,” pahayag ni Pangulong Marcos.
Nabatid na nasa 30,000 Filipino ang nasa Israel.
- Latest
