DOH sa publiko: ‘Mag-ingat sa leptospirosis’

MANILA, Philippines — Muli na namang nagpaalala ang Department of Health (DOH) na mag-ingat sa leptospirosis.

Sa kasagsagan ng bagyong ‘Enteng’, mu­ling pinaalalahanan ang publiko sa nasabing sakit na nagmumula sa baha.

“Madumi ang tubig baha. Iwasan hangga’t kaya.”

“Anuman ang dahilan, basta napalusong, kahit walang sugat o nararamdaman, kumonsulta agad sa doktor o health center sa loob ng 1-2 araw,” dagdag pa nito.

Matatandaang matapos manalasa ang bagyong ‘Carina’, sumipa ang mga kaso ng leptospirosis sa mga naapektuhang lugar.