Smallpox vax gagamitin laban sa mpox - DOH
![Smallpox vax gagamitin laban sa mpox - DOH](https://media.philstar.com/photos/2022/07/25/monkeypox-vaccine2022-07-1609-46-06-1_2022-07-25_13-24-32.jpg)
MANILA, Philippines — Planong gamitin ng Department of Health (DOH) ang smallpox vaccine bilang proteksiyon laban sa mpox.
Ito ang kinumpirma ni Health Assistant Secretary at Spokesperson Albert Domingo na nagpaabot na ang DOH ng intensiyon sa World Health Organization (WHO) na mabigyan ang Pilipinas ng access sa smallpox vaccines upang magamit na proteksiyon laban sa mpox.
Ayon kay Domingo, base kasi sa scientific findings ang smallpox vaccines ay nakapagbibigay ng cross-protection laban sa mpox.
Gayunman, wala pa aniyang suplay ng naturang bakuna sa Pilipinas.
Ani Domingo, inuuna muna kasing mabigyan ng mga naturang bakuna ang mga bansa sa Africa, kung saan nagkakaroon ng krisis sa ngayon dahil sa hawahan ng mpox.
Matatandaang una nang kinumpirma ng DOH na naitala na nila noong Agosto 18 ang unang kaso ng mpox sa bansa ngayong taon.
- Latest