5 bandido, 1 SAF dedo sa bakbakan sa Cotabato
MANILA, Philippines — Limang bandido at isang miyembro ng Special Action Force (SAF) ang nasawi sa naganap na engkwentro sa Barangay New Panay, Aleosan, Cotabato nitong umaga ng Martes.
Sa pahayag ni Brig. Percival Augustus Placer, director ng Police Regional Office-12, magsasagawa sana ng mapayapang search operation ang mga pulis sa hideout ni Macabuat Salik sa Purok 7 sa Barangay New Panay dahil sa may nakaimbak umano dito na mga shabu at assault rifles.
Paglapit pa lamang ng mga otoridad ay agad na sila ay pinagbabaril at nauwi sa palitan ng putok na ikinasawi ng limang bandido at SAF member na si P/Corporal Jed Michael Gregorio ng PRO-12.
Tatlo pang kasapi ng SAF ang sugatan sa insidente na agad namang naisugod sa pagamutan upang malapatan ng lunas.
- Latest
