80-anyos na lola, manugang dedo sa pamamaril

MANILA, Philippines — Kapwa nasawi ang isang 80-anyos na lola at ang kanyang manugang na magsasaka nang sila ay pagbabarilin ng mga salarin sa isang liblib na lugar sa Barangay Poblacion, Ampatuan, Maguindanao del Sur nitong Huwebes.

Sa ulat kahapon ng Ampatuan Municipal Police Station kay Brig. Gen. Prexy Tanggawohn, director ng Police Regional Office-Bangsamoro Autonomous Region, agad na namatay sa mga tama ng bala ang lola na si Kalno Butatek at manugang na si Kael Nandang, 48.

Nabatid na nasa kanilang bakuran sa Purok 4 sa Barangay Poblacion, Ampatuan ang magbiyenan nang lapitan at paputukan ng mga lalaking at pagkatapos na agad na tumakas.