Pinoy seafarer patay sa atake ng Houthi - White House
MANILA, Philippines — Inihayag ng White House noong Lunes na isang Pilipinong marino ang napatay nang salakayin ng mga rebeldeng Houthi ng Yemen ang isang bulk cargo carrier noong nakaraang linggo.
Ang mga Houthi na suportado ng Iran ay naglunsad ng dose-dosenang drone at missile strike sa mahahalagang shipping zone ng Red Sea at Gulf of Aden mula noong Nobyembre, na inilalarawan ang mga ito bilang paghihiganti para sa digmaang Israel-Hamas.
Ngunit sinabi ng tagapagsalita ng National Security Council na si John Kirby na ang Pilipinong seaman na napatay ay sakay ng M/V Tutor, isang barko na may bandilang Liberian, pag-aari ng Greek na “walang kinalaman sa labanan sa Gaza.”
Samantala, wala pang pahayag ang Department of Foreign Affairs (DFA) hinggil sa usapin.
Ang M/V Tutor ay dumanas ng malubhang pagbaha at inabandona matapos itong hampasin ng isang sea drone mula sa hawak ng mga rebeldeng Hodeida noong Miyerkules, ayon sa isang ahensya ng seguridad na pinamamahalaan ng British navy.
Sinabi rin ni Kirby na kritikal na nasugatan ang isang tripulante ng Sri Lankan sa isang hiwalay na pag-atake ng Houthi noong Huwebes sa M/V Verbena, isang barkong may bandera ng Palauan, pagmamay-ari ng Ukrainian, at pinamamahalaan ng Polish.
“Ito ay purong terorismo. Walang ibang salita para dito. Ang pag-aangkin ng Houthi ng pagsuporta sa mga Gazans ay walang kabuluhan,” sinabi ni Kirby sa mga mamamahayag.
Bukod sa nasawi, 21 pang Filipino crewmen ang sakay ng M/V Tutor at pawang ligtas na sa pag-atake ng Houthi ang dumating kamakalawa sa Pilipinas.
- Latest
