Tomboy hinalay ng kainuman
MANILA, Philippines — Isang tomboy ang dumulog sa himpilan ng pulisya makaraang halayin sa ilalim ng puno ng saging ng isa nitong kainuman sa Brgy. Cultihan, Taal, Batangas.
Ang suspek na mabilis na naaresto ay kinilala sa alyas na Jonas, nasa hustong gulang, residente ng nabanggit na lalawigan at nahaharap sa kasong rape.
Sa inisyal na imbestigasyon ng Taal Municipal Police Station, alas-2:00 ng madaling-araw ay nakikipag-inuman ang biktima na itinago sa pangalang Francia, lesbian, sa bahay ng suspek at nang malasing na ay nagpaalam ito sa suspek na uuwi na.
Subalit, dahil sa labis na kalasingan, nagawa umano itong akayin ng suspek at sa halip na sa bahay dalhin ang biktima ay dinala ito sa sagingan at sinamantala ang matinding kalasingan at naisagawa ang panghahalay.
Kaagad na nagtungo sa pulisya ang biktima upang magsumbong na humantong sa pagkakaaresto sa suspek.
- Latest
