Walang Pinoy na nasaktan sa 7.5M lindol sa Taiwan - DMW
MANILA, Philippines — Iniulat kahapon ng Department of Migrant Workers (DMW) na wala pa umanong naiuulat na Pinoy na nasaktan o nasawi sa 7.5 magnitude na lindol na yumanig sa bansang Taiwan kahapon ng umaga.
Sa kabila nito, tiniyak ng DMW na patuloy nilang minu-monitor ang sitwasyon ng mga overseas Filipino workers (OFWs) sa Taiwan.
Kaagad rin umanong in-activate ng tatlong Migrant Workers Offices (MWOs) ng DMW sa Taiwan ang protocols sa mga Filipino communities, leaders, mga kaukulang Taiwan government agencies, gayundin ang mga employers at trade associations upang tiyakin ang kaligtasan at kalagayan ng mga OFWs na nakabase sa nasabing bansa.
Siniguro rin ng DMW na handa ang Taiwan MWOs na magkaloob ng agarang tulong sa mga apektadong OFWs kung kinakailangan.
- Latest
