Barilan sa loob ng restobar: Parak dedo sa kabaro

MANILA, Philippines — Isang pulis at sibilyan ang nasawi habang suga­tan ang nakabarilan na pulis sa naganap na ba­rilan sa loob ng restobar sa Brgy. District 2, Tumaui­ni, Isabela, kama­kalawa.

Kinilala ang nasa­wing pulis na si Pat. Jackson Acosta, 25, binata at kasalukuyang nakadestino sa Nueva Vizcaya Provincial Mobile Force Company, at residente ng Brgy. Rizal, Delfin Albano, Isabela;at sibilyan na si  Donnie Cullado.

Sugatan naman si PCpl Neil Baquiran, 33, nakatalaga sa Santiago City Police Station, at residente ng Brgy. Lanna, Tumauini, Isabela at waiter na si Ana­cleto Arugay, 23, ng  Canzan, Cabagan, Isabela

Lumilitaw sa pagsisiyasat, ala-1:00 ng mada­ling araw nitong Lunes nang maga­nap ang insidente sa loob ng  isang restobar sa Brgy. Rizal, Tu­mauini.

Nag-iinuman sa resto bar ang gru­po ni Baquiran nang lumapit ito sa mesa ni Acosta kasama ang isa pang lalaki.

Dito ay bigla umanong binu­not ni Acosta ang ser­vice  firearm, su­balit ma­bilis na naagaw ni  Ba­quiran at nagpambuno.

Muling nakuha ni Acosta ang  baril at walang habas  na  pinaputu­kan si Baquiran at kasamahan nito at gumanti ito ng putok na  iki­nasawi nina Acosta at Cullado.

Inaresto ng mga ru­mes­­pondeng pulis si Baquiran at kinumpiska ang Glock 9mm na issued service firearm nito  gayundin ang Taurus 9mm na issued firearm ni Acosta para sa ballistic examination.