Alyas ‘Bikoy’ hinatulang guilty sa perjury
MANILA, Philippines — Nahatulan ng korte na makulong ng isang taon at isang araw ang kontrobersyal na si Peter Joemel Advincula, alyas ‘Bikoy’ ukol sa pagtukoy niya sa tatlong miyembro ng Free Legal Assistance Group (FLAG) sa ‘ouster plot’ laban kay dating Pangulong Rodrigo Duterte.
Sa 18-pahinang desisyon ng Manila City Metropolitan Trial Court Branch 17, napatunayang “guilty beyond reasonable doubt” si Advincula sa kasong perjury.
Nag-ugat ang kaso sa reklamo nina Attys. Erin Tañada, Jose Manuel “Chel” Diokno, at dating Supreme Court spokesperson Theodore Te na pawang tinukoy ni Advincula na mga miyembro ng “Project Sodoma”, at sinasabing nagbubuo ng plano para pabagsakin noon si Duterte.
Isa sa akusasyon ni Advincula ay nagpulong umano ang tatlo noong Marso 4, 2019 at Mayo 2, 2019 para buuin ang kanilang plano.
Ngunit sinabi nina Diokno at Tañada na hindi nila nakita si Advincula noong Marso 4 nang dumalo sila sa isang forum sa Ateneo de Manila University bilang mga senatorial candidates.
- Latest
