MRT-3 may libreng sakay sa government employees sa Lunes
MANILA, Philippines — Bilang pakikiisa sa pagdiriwang ng Philippine Civil Service, magbibigay ng libreng sakay ang MRT-3 para sa mga lingkod bayan o kawani ng gobyerno bukas, Setyembre 19, 2022.
Ayon kay MRT-3 General Manager Engr. Federico J. Canar, Jr. ang libreng sakay ay isang simpleng pagpapakita ng pasasalamat sa lahat ng mga lingkod bayan na tapat at buong dedikasyon na nag-aalay ng kanilang galing upang mapaglingkuran ang bansa.
Magsisimula ang libreng sakay mula alas-7:00 ng umaga hanggang alas-9:00 ng umaga at alas-5:00 ng hapon hanggang alas-7:00 ng gabi.
Para makapag-avail ng libreng sakay, magpakita lamang ng valid government ID sa MRT-3 personnel na matatagpuan sa service gate ng bawat istasyon upang mabigyan ng Magnetic Single Journey Ticket.
Ang parehong magnetic ticket ay dapat iiwan naman ng pasahero sa service gate ng bababaan nitong istasyon.
- Latest
