Tulay sa Bohol gumuho, 4 dedo

MANILA, Philippines — Apat katao ang kumpirmadong nasawi habang nasa 20 ang sugatan nang gumuho ang tulay sa bayan ng Loay, Bohol, kamakalawa ng hapon.

Kinilala ni Loay Mayor Lahar Ayuban ang mga nasawi na sina Arniel Cilos, Emilia Gemina, Epifhany Onada, at isang Australian National na si Michael Ouschan.

Sinabi naman ni Police Lt. Thomas Zen Cheung, information officer ng Bohol Provincial Police Office, nasa 10 sasakyan, kabilang ang dalawang dump truck, ang nalubog sa Loboc River nang gumuho ang Old Clarin Bridge dakong alas-4:10 ng hapon nitong Miyerkules.

Iniimbestigahan na ang dahilan ng pagguho  ng tulay.

Nagpapatuloy pa rin ang search and rescue operations na ginagawa ng mga otoridad.