Pakistani tiklo sa 400 pirasong cytotec
MANILA, Philippines — Isang Pakistani national ang inaresto ng mga otoridad nang makumpiskahan ito ng 400 piraso ng abortive pills na cytotec, kamakalawa ng hapon sa Sta. Cruz, Maynila
Ang suspek ay kinilalang si Nadeem Younas Rana, 32, ng Belisarion Subdivision, Pulang Lupa, Las Piñas City.
Sa imbestigasyon, nagsasagawa ng clearing operations ang pulisya nang mapansin ang suspek na may hawak na 400 piraso ng cytotec kaya’t agad itong inaresto.
Inamin naman ni Rana na may kakatagpuin siyang babae na regular na bumibili ng cytotec sa kanya.
Nabatid na noong Abril 2018, isang Elizabeth Franco, 64 ay naaresto ng mga otoridad at nakuha ang 176 cytotec at dalawang pands ng methergin tablets na nagkakahalaga ng P50,000 at sinabi nito na isang Pakistani ang kanyang supplier na posibleng si Rana.
- Latest
