No smoking sa Malacañang
MANILA, Philippines — Mahigpit nang ipinagbabawal ang manigarilyo sa lahat ng empleyado at bisita ng Malacañang sa buong Malacañang complex.
Ang “no smoking” ay ipinatupad sa buong Malacañang complex matapos maglabas ng memorandum ang Office of the Executive Secretary kahapon ng hapon.
Nakasaad sa memorandum na nilagdaan ni Deputy Executive Secretary for Finance and Administration (DESFA) na walang itinalagang smoking areas sa buong Malacañang complex kaya mahigpit na ipinagbabawal na ang manigarilyo.
Magugunitang nagpalabas ng Executive Order no. 26 si Pangulong Rodrigo Duterte noong May 16, 2017 para sa smoke-free environment sa mga public at enclosed places bukod sa Tobacco Regulation act of 2003 para sa nationwide ban ng smoking sa lahat ng public places sa buong bansa.
- Latest
