Biyuda ni Ako Bicol Partylist Batocabe, natalo

MANILA, Philippines — Natalo sa pagka-alkalde ng Daraga, Albay ang biyuda ng napatay na si Ako Bicol Partylist Representative Rodel Batocabe na si Gertie sa nakuhang boto na 13,630, gayundin ang utak sa pagpatay sa kanyang mister na si Daraga Mayor Carlwyn Baldo sa nakuhang boto na 16,258 nang talunin sila ng kanilang kalaban na si acting Mayor Victor Perete na nakakuha ng 20,513.

Ayon sa ilang mga taga-Daraga, hindi nai-convert ni Gertie sa boto ang simpatiya ng mga botante makaraang paslangin ang kanyang asawa.

Sa panig naman ng mga suporter ni Baldo, dahil umano sa kasong kinahaharap nito ay naapektuhan ng husto ang kandidatura ng alkalde.