Importasyon ng karne itigil-AGAP

MANILA, Philippines — “Itigil muna ang importasyon ng mga karne ng manok at baboy dahil nagiging dahilan aniya ito nang pagkalugi ng mga lokal na magsasaka sa bansa”.

Ito ang apela sa pamahalaan ang grupong Agricultural Sector Alliance of the Philippines (AGAP) Nick Briones, Presidente ng AGAP, at matagal na nilang panawagan ang pagtitigil ng importasyon ng mga karneng baboy at manok sa pamahalaan, kahit tatlong buwan lamang o higit pa, ngunit hindi naman aniya ito binibigyang-pansin ng Department of Agriculture (DA).

Naniniwala rin si Briones na ang layunin ng pamahalaan sa pag-aangkat ng agricultural products, ay ibagsak ang presyo ng bilihin sa bansa, ngunit ang apektado nito ay ang mga local farmers, mga mangingisda, magbababoy at magmamanok at maggugulay.