2 karnaper huli sa Taguig
MANILA, Philippines — Sa kalaboso ang bagsak ng dalawang sinasabing karnaper matapos nilang tangayin ang motorsiklo ng isang rider, iniulat kahapon sa Taguig City.
Nakakulong ngayon sa Taguig City Police ang mga suspek na sina Joseph Ramilo, alyas “Joseph”, nasa hustong gulang at Adrian Calla, alyas “Ian”, 28-anyos.
Kinilala naman ang biktima na si Ariel Escol, 33, ng Brgy. Central Bicutan ng naturang lungsod.
Sa report na natanggap ng hepe ng Taguig City Police na si Sr. Supt. Alexander Santos, alas-12:20 ng madaling araw nang karnapin umano ng mga suspek ang nakaparadang motorsiklo ng biktima na may plakang DC 89060 sa Paraiso St., Brgy. Central ng naturang lungsod.
Dahilan upang magharap ng reklamo ang biktima sa Taguig City Police.
Kaagad na nagkasa ng follow-up operation ang mga pulis laban sa mga suspek, na nagresulta nang pagkakaaresto sa mga ito.
- Latest
