3 lalaking most wanted sa pagpatay, nadakip

MANILA, Philippines — Tatlong lalaki na pawang most wanted persons (MWP) dahil sa kasong pagpatay ang nadakip ng mga otoridad sa operasyon sa lungsod ng  Mandaluyong, Marikina at San Juan kamakalawa ng gabi.

Unang naaresto ng Mandaluyong City Police si Jonas delos Santos, 36, ng No. 7 Block 38, Welfareville Compound, Barangay Addition Hills, Mandaluyong City, na itinuturing na No. 1 most wanted person sa naturang lungsod.

Sumunod na naaresto ng Marikina City Police si Marvin Neri, na itinuturing namang No. 2 most wanted person at dakong alas-10:00 ng gabi nang madakip ng San Juan City Police si Jerry Bulalaque sa Master Gym sa Baseco Compound sa Tondo, Maynila.