DDB chief nagbitiw sa puwesto
MANILA, Philippines — Nagbitiw sa kanyang puwesto si Dangerous Drug Board (DDB) chairman Dionisio Santiago at nagsumite na ito ng kanyang irrevocable resignation kay Pangulong Rodrigo Duterte.
Ginawa ng retired AFP chief of staff ang kanyang pagbibitiw matapos ipaabot sa kanya ni Executive Secretary Salvador Medialdea ang kautusan ni Pangulong Duterte na magbitiw na ito bilang DDB chief.
Nabatid na nagkomento si Santiago na isang malaking pagkakamali ang pagtatayo ng mega rehab facility sa Nueva Ecija.
Magugunita na sinibak din ni Duterte ang naunang DDB chairman na si Benjamin Reyes matapos kontrahin nito ang numero ng drug dependents sa bansa.
Ang palaging binabanggit ng Pangulo sa kanyang mga speeches ay nasa 4 milyon ang drug dependents sa bansa pero sinabi ni Reyes sa isang event na dinaluhan nito ay nasa 1.8 milyon.
- Latest
