Lalaki sinalvage sa QC
MANILA, Philippines – Malaki ang paniwala ng pulisya na biktima ng salvage ang natagpuang bangkay ng isang lalaki na may tama ng bala sa ulo sa isang bakanteng lote sa Barangay Pagasa, Quezon City kahapon ng madaling araw.
Inilarawan ang biktima na nasa pagitan ng edad na 25-30, may taas na 5’1”, maliit ang pangangatawan, moreno, nakasuot ng kulay asul na t-shirt, itim na pants, bullcap, scarf, may tattoo sa kanyang kanang braso na “Survivor”, kanang balikat na “Cross”, EJR 8-Bal” sa kanyang kaliwang braso at “Yinyang” at trival na “Cross” sa kanyang likuran.
Batay sa ulat, dakong alas-5:00 ng umaga nang madiskubre ang bangkay sa may bakanteng lote na matatagpuan sa Matimtiman St., kanto ng Kamias St., Sitio San Roque 2, Brgy. Pagasa ng isang Arnel Gumaru na kalalabas lamang ng kanilang bahay para magbawas.
May card board sa tabi ng biktima na may nakasulat na “Wag Ako, Iba na lang”.
- Latest
