Pulis dedo sa underpass
MANILA, Philippines - Hindi na umabot ng buhay sa ospital ang isang pulis-Quezon City matapos sumalpok ang kanyang kotse sa kongkretong pader ng Quezon Avenue underpass kahapon ng madaling araw.
Ang biktima ay kinilalang si SPO1 Brian Landayan Mateo, nakatalaga sa QCPD Station 5, may-asawa at residente sa 43 Elma St., Don Fabian Brgy. Commonwealth, QC.
Sa imbestigasyon bago nangyari ang aksidente dakong ala-1:20 ng madaling araw sa kahabaan ng Quezon Avenue, Barangay Pagasa ay minamaneho ng biktima ang kanyang Toyota Corolla at tinatahak ang kahabaan ng naturang lugar galing ng Elliptical Road pagsapit sa nasabing lugar ay bilang nakabig umano nito ang manibela dahilan para lumihis ito at sumalpok sa kongretong pader.
Sa lakas ng impact, nawasak ang harapan ng sasakyan ng biktima sanhi para magtamo siya ng matinding sugat sa buong katawan at ulo.
- Latest
