Guro ginahasa ng ka-eyeball
MANILA, Philippines – Nagsampa ng kasong rape ang isang guro laban sa kanyang chatmate sa social media na puwersahan siyang hinalay sa loob ng isang motel matapos na sila ay mag-eyeball sa isang lugar sa Quezon City.
Ang biktima na nagsampa ng reklamo sa Quezon City Police District Womens Children Protection Desk sa Camp Karingal ay itinago sa pangalang Ana, 35, dalaga.
Nadakip naman ang suspek sa isinagawang follow-up operation na kinilalang si Danilo Munoz Jr., 34, binata at enlisted personnel ng PA ng Armed Forces of the Philippines at naninirahan sa Fort Bonifacio, Taguig City.
Batay sa ulat, bago nangyari ang panghahalay sa loob ng R & J Inn na matatagpuan sa Kamias Road, Brgy. Pinyahan noong Mayo 28, 2016 ganap na alas-5:30 ng hapon ay nagkakilala ang biktima at suspek sa pamamagitan ng social media.
Nang magkapalagayan ng loob sa isa’t isa ay nagpasya ang mga ito na magkita nitong May 28, 2016, dakong alas-11:00 ng umaga sa isang bus terminal at kumain sa fastfood sa Edsa kanto ng Kamias Road, Quezon City.
Matapos kumain ay naglakad-lakad ang dalawa hanggang sa makaramdam ng pagod at nagpasya at niyaya ng suspek ang biktima na mag-check in sa nasabing motel para makapagpahinga.
Dahil sa mukha naman umanong maginoo ang suspek ay pumayag ang biktima at pagpasok ay agad umanong niyakap ng huli ang una saka puwersahang inabuso kahit labag sa kanyang kagustuhan.
Matapos ang insidente ay nagpasyang magreklamo ang biktima sa QCPD Police Community Precinct 1 at nagpasuri naman ang biktima sa Jose Reyes Memorial Medical Center para sa genital examination.
Nagsagawa ng operasyon ang mga pulis at naaresto ang suspek na hindi pa nakakalayo sa lugar.-Ricky Tulipat-
- Latest
