Misis utas sa selosong lover
MANILA, Philippines – Dead on the spot ang isang ginang matapos siyang pagtatagain ng kanyang live in partner dahil sa selos naganap kamakalawa sa Zamboanga City.
Ang nasawi ay kinilalang si Maria Enoc, 35 ng Purok 2, Brgy. Cayamcam, Tungayawan, Zamboanga Sibugay. Habang agad nadakip ang suspek na si Richard Fernandez, 46.
Batay sa ulat, bago nangyari ang krimen dakong alas-9:00 ng gabi sa loob ng kanilang bahay ay kinompronta ng suspek ang biktima kung totoo ang naririnig nitong tsismis na may nanliligaw dito.
Pinabulaanan ng biktima ang bintang na hindi pinaniwalaan ng suspek na nauwi sa mainitang pagtatalo hanggang kumuha ng itak at walang habas na pinagtataga ang una na agad nitong ikinamatay.
Ini-report ng mga kapitbahay ang pangyayari sa mga pulis na nagresponde sa lugar at dito ay nadatnan ang bangkay ng biktima habang ang suspek ay dinala sa ospital matapos hiwain ang sariling tiyan.
- Latest
