Mag-ama niratrat ng kagawad, dedo

MANILA, Philippines – Hindi na sumapit sa Bagong Taon ang mag-ama matapos itong pagbabarilin ng barangay kagawad sa inuman sa Barangay Santol sa Quezon City kahapon ng umaga.

Sa inisyal na ulat ng pulisya, kinilala ang mag-ama na sina Raymund Deanon, 45; at Rodney Deanon Sr., 69, mga nakatira sa # 2 Baloy Street sa nasabing barangay habang pinaghahanap naman ang suspek na si Kagawad Anacleto de Torre.

Sa inisyal na ulat ng pulisya, na naganap ang pamamaril sa harap ng bahay ng mag-ama, ilang hakbang lang ang layo sa barangay hall.

Napag-alamang nag-iinuman ang mag-ama nang sumiklab ang matinding pagtatalo kaya nagalit ang suspek na lumabas mula sa barangay hall at isinagawa ang pamamaril.

Agad namang isinugod sa UERM Hospital subalit idineklarang patay si Raymund bandang alas-7:15 ng umaga habang namatay naman si Rodney bandang alas-8:35  ng umaga.

Sinasabing naingayan ang suspek sa mag-ama kaya naganap ang krimen.