Empleyada pinatay ng 4 helper na sinibak
MANILA, Philippines – Sinaksak ng isang sinibak na helper na lalaki na ang isang babaeng checker na umano’y nagpatanggal sa kanila naganap kamakalawa sa Valenzuela City.
Idineklarang dead-on- arrival sa Valenzuela City Medical Center dahil sa tama ng saksak sa dibdib at sikmura ang 43-anyos na si Marites Valdeztamor, stay-in checker ng VKB Bone Trading na nasa Phase 2, Pearl Island Compound, Brgy. Punturin, ng lungsod.
Ang mga tumakas na suspek ay kinilalang sina Rex Valentino, 20; Arnold Beno, 20; Rimark Calasag, 19; at isang alyas “Terry”, pawang mga helper sa naturang kumpanya.
Bago ang pagpatay sa biktima dakong alas-9:30 ng umaga ay sinibak sa kanilang trabaho ang apat na suspek dahil sa sari-saring kapalpakan sa tungkulin at pangit na rekord.
Nilapitan ng mga ito ang biktima at sa halip na magpaalam ay nagbunot ng patalim si Valentino at sinaksak ang biktima sa dibdib at sikmura habang nagsilbing lookout ang tatlo.
Nabatid na may kinikimkim na galit umano ang apat na suspek sa biktima dahil sa umano’y hindi magandang pakikitungo nito sa kanila at hinala na ito rin ang nagrekomenda para sila ay masibak sa trabaho.
- Latest
