LGUs ‘walang paki’ sa Mabuhay Lanes

MANILA, Philippines – Matapos magbalikan ang  nakahambalang na mga sasakyan, binalikan kahapon ng Metropllitan Manila Development Authority (MMDA) at Highway Patrol Group (HPG) ang Mabuhay Lanes sa may bahagi ng Quezon City para sa clearing ope­ration laban sa illegal parking.

Ayon kay Mabuhay Lanes Task Force  head Ed Lara, wala namang nangyaring tensiyon sa kanilang operasyon dahil kusa na umanong inalis ng mga residente ang mga nakaparadang sasakyan at mga  kagamitan na nakahambalang sa kalsada.

Gayon pa man, dismayado si Lara sa   kawalan ng  kooperasyon ng local government units (LGUs) sa kanilang ginagawang paglilinis sa mga alternabong  ruta kaya nagbalikan ang mga pa­saway na mga moto­ristang pumaparada ng illegal.

“Ang  tulong  at  partisipasyon lamang  ng mga  LGUs ang  kaila­ngan upang mapanatiling malinis ang mga itinalagang alternatibong ruta,” pahayag ni Lara.

Matatandaan, sa  inis­yung memoramdum ng DILG ay nakapaloob ang pag-uutos sa mga LGUs na makipagtulungan sa clearing operation ng Mabuhay Lanes laban sa lahat ng uri ng traffic obstructions.