Mayor Binay inabswelto ng SC

MANILA, Philippines – Pinababasura ng Korte Suprema ang suspension order ng Office of the Ombudsman laban kay dismissed Makati Mayor Junjun Binay nang katigan ang naunang desisyon ng  Court  of Appeals.

Ginamit ni Binay ang  condonation doctrine nang kuwestiyunin nito ang  preventive suspension order na inilabas ng  Ombudsman.

Ayon sa isang  court insider, napagpasyahan ng mga mahistrado na ibasura ang doctrine kung saan hindi maaaring panagutan ng isang  elected official ang pagkakasala ng kanyang  predecessor tulad na rin ng  kaso ng dinismis na si Mayor Binay.

Paliwanag ni  Binay na  hindi  pa siya ang alkalde ng Makati sa sinasabing una at  ikalawang ano­malya habang ang  ang ikatlo at ikaapat na  bahagi ng proyekto ay isinagawa  mula 2010 hanggang 2013.

Ibinunyag din ng SC  source na binibigyan din ng kapangyarihan ng SC ang CA na muling pag-aralan at ipatigil ang administrative order ng Ombudsman laban  kay Binay at iba pang  opisyal.

Kaya’t binalewala din ng SC ang pahayag ng Ombudsman
Conchita Carpio ­Morales na tanging ang SC lamang ang siyang may kapangyarihan na  mag-review at magpatigil ng administrative na nakasaad sa Section 14 of Republic Act No. 6770 (Ombudsman Act).

Wala naman  makapakumpirma sa isyu dahil wala pang inilalabas na promulgation ang SC hinggil sa isyu.