Suspek na kinasuhan ng rape, namatay sa takot
MANILA, Philippines - Posibleng natakot kaya’t nagkikisay ang isang 45-anyos na lalaki na kinasuhan ng pangre-rape sa isang 6-anyos na batang babae habang ito ay nasa loob ng opisina ng prosecutor kamakalawa ng hapon.
Hindi na umabot ng buhay sa Philippine General Hospital (PGH) ang suspek na si Gerardo Argota Jr., ng Tenement Building, F. Manalo St., Punta, Sta.Ana, Maynila matapos na ito ay atakihin ng sakit nitong epilepsy.
Batay sa ulat, alas-2:30 ng hapon nang dalhin ng mga pulis sakay ng mobile car no. 307 ang suspek sa Manila City Hall para sa inquest proceedings nang bigla itong mangisay at nasawi makalipas ang isang oras.
Bago iniharap sa piskalya ang suspek ay inaresto ito ng isang Romeo Concepcion, barangay tanod nang maaktuhang hinahalay nito ang isang batang babae sa rooftop ng nasabing tenement building kaya inaresto niya ito at dinala sa presinto.
- Latest
