3 obrero dinedo

MANILA, Philippines – Dead on the spot ang tatlong obrero matapos na sila ay pagbabarilin habang nagbabantay ng mga inaning palay kamakalawa sa Sitio Kakal, Brgy. Mau, Datu Abdullah Sangki Maguindanao.

Ang mga nasawi ay nakilala lang sa alyas na Anda; Bakar; at Badong at tinatayang nasa edad na 30 at 50 pawang residente sa nabanggit na lugar.

Lumalabas sa im­bestigasyon na nagbabantay ang mga biktima ng saku-sakong inaning palay nang sumulpot ang hindi pa kilalang suspek at walang kaabog-abog na sila ay pagbabarilin.

Patuloy ang imbestigasyon ng pulisya sa mo­tibo ng krimen at pagkilala sa suspek.