7 katao arestado sa pot session
MANILA, Philippines – Pitong katao kabilang ang dalawang babae ang inaresto ng mga otoridad sa isinagawang anti-criminality operation matapos maaktuhang nagpa-pot-session kahapon ng umaga sa Pasay City.
Kinilala ang mga suspek na sina Marites Getuiza, 44; Lilibeth Chavez, 38; Dennis Aguilar, 34; Jhon Carlo Boiler; Alejandro Lorenzo, 29; Benny Juanez, 24, at Gilbert Reyes, 35, pawang mga taga-Apelo Cruz, Malibay ng naturang lungsod.
Batay sa ulat, dakong alas-7:00 ng umaga nang maaktuhan ng mga pulis ang mga suspek na nagpa-pot-session sa loob ng bahay sa A-76 Apelo Cruz, St., Barangay 157, Zone 164, Malibay ng nasabing lungsod.
Bago ang raid ay nakatanggap ng impormasyon ang mga pulis sa kanilang asset na ginagawang singhutan ng shabu ang naturang lugar.
Nakumpiska sa mga pulis ang dalawang plastic sachet ng shabu at paraphernalias.
- Latest
