Intsik tiklo sa P13 milyon shabu
MANILA, Philippines – Isang Chinese national ang nadakip matapos itong mahulihan ng 15 kilong high grade shabu, na nagkakahalaga ng P13 milyon sa isang buy bust operation kamakalawa ng gabi sa Pasay City.
Kinilala ang suspek na si Zhou Jianguo, 34, taga Fujian, China, pansamantalang nakatira sa #175 Ronquillo St., Sta. Cruz, Maynila.
Batay sa ulat, bago naaresto ang suspek alas-6:15 ng gabi sa service road ng panulukan ng Buendia Avenue at Roxas Boulevard ay sakay ang suspek ng isang Hyundai Tucson (NIC-513) at naglunsad ng buy bust operation ang otoridad at isang pulis ang nagpanggap na poseur buyer gamit ang marked money na nagkakahalaga ng P800,000.00.
Nang mag-aabutan na nang items ay dito na inaresto ang suspek na nakumpiskahan ng 15 kilong high grade shabu na ang halaga ay nasa P13 milyon.
- Latest
