Bagets natupok sa sunog
MANILA, Philippines - Nakulong sa nasusunog nilang bahay ang isang 13-anyos na binatilyo kahapon ng madaling araw sa Caloocan City.
Ang nasawi ay kinilalang si Daniel Niño De Vera, na ang bangkay ay natagpuan sa ikatlong palapag ng kanilang bahay sa Alamang Street, Brgy. 12 Dagat-Dagatan, ng lungsod.
Batay sa ulat, dakong ala-1:30 ng madaling araw nang sumiklab ang apoy sa stock room sa unang palapag ng bahay habang nasa kasarapan ng tulog ang pamilya ng biktima.
Unang nagising ang lola ng biktima na si Florencia De Vera, 62, nang mahirapan sa paghinga dahil sa makapal na usok na bumalot sa bahay.
Agad na ginising nito ang anak na babae at isa pang apo na natutulog sa unang palapag ng bahay na nakalabas at naiwan sa loob si Daniel Niño na natutulog sa ikatlong palapag ng bahay.
Umabot ng isang oras bago naapula ang sunog na umano ay nagmula sa nag-short na electrical circuit. Habang nasa P500,000 ang naging danyos.
- Latest
