Trader binaril sa mukha
MANILA, Philippines – Namatay habang nilalapatan ng lunas sa ospital ang isang 31-anyos na negosyante nang barilin ito sa mukha ng isang hindi pa kilalang suspek habang naglalakad patungo sa kaniyang nakaparadang sasakyan sa panulukan ng Carriedo at Bustos Sts. Sta. Cruz, Maynila, kamakalawa ng gabi.
Ang nasawi ay kinilalang si Fritz Linjohn Chu, residente ng Block 5, Lot 7, Garden City, Sucat, Parañaque City.
Batay sa ulat, pagitan ng alas 7:00 at 7:30 ng sa Carriedo St., ay pauwi na ang biktima at naglakad ito patungo sa kaniyang Toyota Vios (NIY-781) na nakaparada sa ibaba ng LRT Carriedo Station nang biglang sumulpot sa kaniyang likuran ang gunman at binaril ito sa mukha.
Sa pagsisiyasat ng pulisya na bago ang krimen ay may nakagalit ang biktima na kustomer noong nakalipas na linggo at nagwika ito na kayang-kaya niyang patayin ang biktima.
Bukod dito may nakaalitan din itong parking boy malapit sa tindahan nito na Chu Tech Solution sa ground floor ng Parkson Square, Rizal Avenue may 2 o 3 linggo na ang nakakalipas.
- Latest
