Rumesponde sa sunog... 3 bumbero todas sa fire truck
MANILA, Philippines – Nasawi ang tatlong bumbero habang apat pa ang nasugatan nang aksidenteng bumaliktad ang kanilang fire truck habang rumeresponde sa sunog kamakalawa sa kahabaan ng national highway ng Brgy. Tapul, Brgy. Tomoaong, Tarragona, Davao Oriental.
Ang mga nasawing biktima ay kinilalang sina FO3 Ludivico Ponce, FO2 Arnel Jon Angsinco at FO1 Nico Corambao; pawang nakatalaga sa Mati City Fire Marshal. Habang dinala sa pagamutan ang apat na nasugatang bumbero.
Batay sa ulat, dakong ala-1:30 ng hapon ay galing ang fire truck sa Mati City at patungo sa Manay, Davao Oriental para rumesponde sa isang sunog nang aksidente itong nasiraan na naging dahilan upang bumaliktad ang firetruck.
Nagpagulong-gulong ang firetruck na agarang ikinasawi ng tatlong bumbero.
- Latest
