Ginang nasawi sa explosion

MANILA, Philippines - Isang 25-anyos na misis  ang nagutay ang katawan nang masabugan ng bomba habang sugatan naman ang pamangkin nito sa Barangay Limbocandis, Sumisip, Basilan kahapon ng umaga.

Dead on the spot sa insidente ang biktimang si Mannah Jallama, residente sa lugar habang sugatan naman si Sophia Abduhu, 16 anyos.

Sa  ulat ng Basilan Police, naitala ang pagsabog sa Sitio Bato Piat, Brgy. Limbocandis ng bayang ito dakong alas 8:30 ng umaga.

Ayon sa imbestigasyon nagtungo ang biktima sa pastulan ng kanilang baka nang biglang sumabog ang bomba  kaya nasapul ang katawan ng biktima.

Samantalang may teorya naman ang mga awtoridad na ang sumabog na bomba ay pag-aari ng mga bandidong Abu Sayyaf Group  na posibleng naiwan ng mga ito sa lugar.